今晚法甲压轴好戏，由巴黎圣日耳门（PSG）主场迎战斯特拉斯堡。PSG啱啱签入美斯，阵容星光熠熠，有指佢更请缨出战，势必激起一班队友斗心，而且双方近年交手例演入球*，中位数3.5球大盘千祈咪错过。

　　PSG成为今夏转会市场嘅焦点，先后罗致沙治奥拉莫斯、韦拿杜姆及阿舒拉夫，点知仲未够喉，日前更签入自由身嘅美斯，年薪高达3,500万欧元，震惊全球。连同*及基利安麦巴比等球星，PSG总值9.93亿欧元，被称为「新银河舰队」。事实上美斯嘅加盟令PSG上下劲兴奋，更有指佢求战心切，希望今晚就落场，就算最终未能上阵，呢份斗心已经感染其他队友，为保上阵机会之后同球王拍档，一定搏甩髀。PSG质素超晒班，首轮阵容不整下，仍凭阿舒拉夫及莫路伊卡迪各建一功，以2比1反胜特鲁瓦响头炮，今晚可望入多几粒。

　　斯特拉斯堡后防松散

　　斯特拉斯堡首轮净吞昂热两蛋，后防松散，ＰＳＧ要赢波冇难度，不过佢哋连续两仗都有失波，防守同样唔稳阵，主帅普捷天奴识谂嘅一定以攻代守，希望踢出王者气势，加上两军近4次联赛交手，有3次开4球或以上，3.5球大盘更值博。