今晚欧国盃头场，係D组另一支英伦球队苏格兰，喺主场咸顿公园球场强战捷克。苏格兰阔别大赛决赛周23年后捲土重来，国家上下都对佢哋有期待，苏格兰近年足球水准大为提升，多名主力喺英超担正，战斗力唔弱。捷克虽然连续7届杀入欧国盃决赛周，但球队对「英伦三岛」球队战绩输蚀，近4次输晒，今场作客苏格兰让波择使，梗係拣苏格兰让球主胜。

　　苏格兰自1998年世盃后，再度杀入大赛决赛周，佢哋喺欧国联附加赛决赛淘汰塞尔维亚，今场对住同样来自东欧嘅捷克绝对唔怕。事实上苏格兰近3次斗捷克赢晒，包括旧年欧国联分组赛双杀，完全係格食格。

　　捷克对「英伦三岛」球队输蚀

　　苏军嘅后衞基兰泰亚尼、安德鲁罗拔臣、中场约翰麦甘尼、麦汤米尼、前锋查阿当斯等等，均喺今季英超有高水平演出，而且苏格兰係今届主办国之一，今场有主场之利，喺12,000名球迷支持下，斗志绝不可低估。

　　捷克阵中最具质素嘅应该係中场汤马士苏锡克同前锋柏德列舒希克，可惜后者季尾大跌Watt，最后7场代表德甲利华古逊出战竟然颗粒无收，今场随时正选都冇。最大镬嘅係，原来捷克对亲「英伦三岛」球队都唔掂，除咗欧国联两对苏格兰输晒，对住威尔斯同北爱尔兰都要俯首称臣，之前对英格兰亦只得1胜1负，今场作客点让苏格兰，主队受让必捧让球主胜。