欧联4强次回合生死战，争取历史性跻身决赛嘅曼城，周二深夜返主场迎战巴黎圣日耳门（PSG）。首回合领先嘅曼城晋级形势乐观，今场必定大踢稳阵波。PSG虽然非胜不可，但面对「蓝月亮」喺欧洲数一数二嘅防守力，强攻绝非明智之举，预计上半场两队会先争夺中场控制权，开出半场和机会颇高。

　　曼城首回合作客巴黎领先2比1，今场就算输0比1，亦可以凭作客入球优惠出线，好大机会以守为先。事实上，「蓝月亮」今届欧联11场只失4球，足证防守力硬淨，史东斯同鲁宾戴亚斯组成嘅中坚组合，首回合就成功mark死*同基利安麦巴比，PSG今场要入波亦有相当难度。

　　况且，「蓝月亮」最耍家嘅战术係高压逼抢，面对急于求胜嘅PSG必定先抢中场控制权，客队喺防守中场伊祖沙古尔停赛下，要抢赢中场必定要花更多时间同力气，上半场或成拉锯局面。

　　麦巴比有伤或扎住上
　　巴黎圣日耳门喺上轮法甲2比1赢朗斯，整体状态靠得住，不过呢场波基利安麦巴比未有列阵，大战前夕更传出坏消息，指呢位「新世代球王」伤咗，即使今场扎住上，表现亦难免受影响，单靠*同莫路伊卡迪攻坚，PSG要收复失地更乏本钱。

　　今场除咗球场内星光熠熠，两位主帅哥迪奥拿同普捷天奴亦係焦点。牌面上，双方过去8次交手，哥帅取得压倒性嘅6胜1和1负，不过「肥普」赢波嗰场，就係喺2018/19年欧联4强首回合，佢带住热刺主场赢1比0。然而，去到次回合曼城为收复失地狂攻热刺，虽然「蓝月亮」赢4比3，惟总比数踢成4比4，热刺凭作客入球进身决赛。前车可鑑，家阵普捷天奴嘅PSG人脚更劲，哥帅即使有1球领先优势都唔会乱嚟，以防再次衰收尾。加上曼城过去4次面对巴黎圣日耳门，有3场均喺上半场打和，可见双方每次对赛都步步为营，今仗拣半场和乃不二之选。