收复失地强攻PSG
　　今晚欧联8强次回合生死战，巴黎圣日耳门（PSG）主场火併拜仁慕尼黑。虽然PSG喺首回合赢3比2，但钢门基罗拿华斯、队长马昆奴斯哥利亚有伤在身，就算出得亦未必托弗，令防线存隐忧；衞冕嘅拜仁为收复失地冇得缩，今场一定大举进攻，双方近年交手例演大*，3.5球嘅入球大有买趁早。

　　PSG虽然喺首回合作客全场捱打，但快速反击坚锐利，靠王牌*两度贡献助攻，射手基利安麦巴比亦梅开二度，最终险胜拜仁3比2，报回上届决赛一箭之仇。基利安麦巴比今届欧联已有8球进帐，位居射手榜次席，其中6球係淘汰赛攻陷巴塞及拜仁，可见佢愈关键大战愈交到货，不愧係「新球王」。至于钢门基罗拿华斯上回合全场左飞右扑，作出10次扑救，同样功不可没，不过佢喺日前联赛对斯特拉斯堡因肌肉受伤，被迫退下火线，中坚马昆奴斯哥利亚亦喺首回合伤出，就算两人赶及复出，状态亦未必弗，对防线影响唔细。

　　近5对赛共轰17球
　　拜仁同样伤兵满营，除咗射手罗拔利云度夫斯基续抖外，历卡斯苏尼、京士利高文、基拿比等受伤病缠身，阵容严重不整，依家畀PSG抢到3个作客入球，晋级形势相当危急。但睇番拜仁首回合全场佔咗6成控球率，射门次数多达31次，其中12次中龙，咁样都输波又确係唔抵，幸好仍有汤马士梅拿、利莱辛尼等进攻好手助阵，新星穆斯亚拿日前联赛对柏林联建功，以18岁零1个月之龄，成为代表拜仁于德甲攻入4球嘅最年轻球员，哥列斯卡亦已复操，今仗应该出得，为晋级不得不豁出去抢攻。

　　翻查纪录，双方近5次碰头，合共炮製17个士哥，其中3场开出总入球4球或以上，拜仁今场焗攻，随时畀PSG狂打反击，预计实多波入，不妨向3.5球嘅大盘埋手。