锡住班兵咪再受伤

欧洲区D组赛事，衞冕盟主法国作客斗波斯尼亚；法国经过首轮失利，上场已恢复应有水准打开胜利之门，不过由于佢哋连续两场都有球员受伤，嚟到国际赛最后一轮相信会避重就轻，拣2.5球细最划算。

法国今届世盃外出师不利，首轮喺领先情况下被乌克兰逼和1比1，而且中场尼高路简迪踢完该仗证实受伤，提早离队，搞到次仗斗哈萨克要变阵出击，点知上场轮到安东*迪尔受伤要换走。踢埋呢场一众球员就要返回球会报到，相信大家都唔想带伤归队，影响球季馀下比赛。

连埋上场赢哈萨克2比0，法国喺各项赛事作客已累积7连胜，不过近6次有5场总入球开2球或以下，唔係赢1比0就係2比0，证明佢哋首要任务係攞3分，唔求大胜。

波斯尼亚无力反抗

波斯尼亚首轮作客2比2逼和芬兰，上场热身赛收起部分主力0比0打和哥斯达黎加，状态唔算突出，佢哋近4次国际赛斗法国未赢过，3次开2球或以下，而且两次主场出击都输波，呢场爆冷机会唔大，但考虑到法国客Ｗ太热冇肉食，今场改捧2.5球细更好路。