死亡H组抢分关键战
　　死亡之组1分不能少！周三凌晨欧联好波连场，其中实力最为接近嘅H组亦有2场大战。啱啱主场开斋嘅曼联，喺奥脱福迎击巴沙克舒希，上轮交手红魔输波而回，为面子为抢分，呢铺肯定去到尽。另边厢法甲豪门巴黎圣日耳门喺小组仅1胜，但佢哋本身有「恐德症」，今遇德甲奇兵RB莱比锡，想赢都唔係咁易！

　　曼联上轮欧联作客巴沙克舒希倒灶1比2输波，今场复仇味浓，唔止要为3分努力，更加要大炒番场攞番个彩，预料主帅苏斯克查会排出较进取嘅阵式，佢哋近6场欧联5次开3球或以上，2.5球入球大热得有道理。

　　H组形势溷乱，曼联同RB莱比锡同得6分，由于红魔鬼主场曾以5比0大胜莱比锡，暂以较佳对赛排榜首，不过由于巴黎圣日耳门只係得3分，馀下赛事会更加搏命，曼联之后2战要对住佢哋，抢分难度更高，所以今仗主场对巴沙克舒希，必定要全取3分，紧握出线主动权。

　　此外，巴沙克舒希原本被视为H组最弱对手，但上轮曼联作客土耳其，后防偏偏犯下两个低级错误，搞到1比2输波，主帅苏斯克查样衰到爆，所以返番奥脱福出击，唔单止要赢，最好就係大炒一场，相信苏帅今场会採取较侵略性战术。

　　巴沙克舒希入得又失得
　　不过，巴沙克舒希亦唔係完全捱打，上场赢波令佢哋信心大增，曾经效力车路士同纽卡素嘅前锋丹巴巴亚宝刀未老，而且呢支上季土耳其冠军球队踢法娱乐性十足，近7战有6场总入球开3球或以上，入得又失得。曼联出战欧联心态亦同英超唔同，踢法较开放，易产生入球，近6场欧联5次开3球或以上，今场相信会係一场入球*，2.5球大咪错过。

　　同晚另一场H组赛事，上届亚军巴黎圣日耳门（PSG）喺主场斗德甲RB莱比锡。PSG坐拥星级阵容，不过今季演出却缺乏霸气，经常依赖巨星「爆seed」赢波，加上近年斗德甲球队输多赢少，今仗让唔起踢法机动见称的莱比锡，让球客胜值得捧场。

　　PSG有前冇后择使
　　经过新冠肺炎肆虐，PSG近期嘅星级阵容终于似番啲样，两大当家巨星基利安麦巴比及*可以披甲攻坚，不过目前仲有马高华拉堤、伊祖沙古尔养伤，安达靴里拉亦因伤上阵成疑下，巴黎圣日耳门中后场力量严重不足，令攻守转换出现问题。好似日前联赛PSG作客摩纳哥，上半场麦巴比连入2球巴巴闭闭，但一班后防唔生性，防守连环失误再输12码，搞到衰收尾以2比3败阵，大大打击球队士气，同时证明巴黎圣日耳门实力绝非超班，之前法甲8连胜只因对手实力偏弱，季初对另一劲旅马赛亦告败北，转战水准更高嘅欧联可谓危机重重。

　　作客嘅RB莱比锡喺分组赛3战2胜1负，输波嗰场仲要作客惨吞曼联5蛋，但该仗大部分时间都与曼联打成均势，最后15分钟急于反扑先至崩溃。呢支德甲劲旅今季虽然冇咗迪姆华拿，但对佢哋机动性打法影响唔大，反而令入球分布更广，令对手防不胜防。

　　值得一提嘅係，PSG对组织性强嘅德甲球队输多赢少，近6次在欧联斗德甲球队只有2胜4负，莱比锡心理上已佔优，加上吸收上届打入4强嘅经验，莱比锡深明今场作客就算和波亦对出线大有帮助，攞1分目标明确，让球主客和受让必捧。