西甲今晚开快车，衞冕嘅皇家马德里喺马德里迪史提芬奴球场迎战华拉度列。皇马唔少主力已年过30，「红裤子」出身嘅教练施丹，深明连场征战对球员体力要求甚巨，故应付「快车期」甚少大炒对手，加上近5次联赛斗华拉度列4次开2球或以下，推介2.5球入球细。

几位球星年过3张

皇马上场西甲靠争议性12码，先以3比2作客反胜贝迪斯，呢3分攞得都算辛苦，最大镬係一班主力个个年纪有番咁上下，宾施马32岁、却奥斯30岁、莫迪历35岁、沙治奥拉莫斯34岁、马些路32岁，虽然施丹积极寻找接班人，阵式上希望以老带嫩，但骨干成员仍然非常重要，所以肯定会锡住用。

以上季为例，西甲喺疫情前踢过5次西甲快车，当中皇马有3场总入球开2球或以下。至于停摆后重开，赛程编排紧密，个几月内要踢11场，皇马喺中段就连开5口入球细，3场「煲鱼生粥」仅赢1比0，2场赢2比0，而且上场开火狂攻贝迪斯几乎出事，施丹汲取教训，预计今场都係先做好防守，不失球下小胜对手全取3分稳阵。

华拉度列开季3战2和1负，只係入过2球，锋力有限，相信好难攻破皇马防线，必定死守抢分。另边厢以施丹留放有道战术，相信会要求球员保留体力，目标为本。过去华拉度列对住皇马都积极顽抗，近5次交手有4次总入球少于3球，睇嚟今场入波都唔会多，捧2.5球入球细最明智。