至於同晚重頭戲曼聯主場斗水晶宮,「紅魔」自復賽後弗到漏油,各項賽事近12仗豪取10勝1和1負,唯一敗仗都係輸畀榜首阿仙奴,佢哋上周中喺英聯盃4強輕取森林2比0,兩回合贏5比0進身決賽,勇達頂峰。若果單計聯賽,曼聯喺坦哈格帶領下,今季頭20仗贏咗12場,令佢成為球隊史上贏波最多嘅新帥。
陣中主力華拉尼於前日宣布,退出法國隊結束國際賽生涯,呢位曾為「高盧雞」勇奪世盃冠軍嘅中堅雖然只得29歲,但佢指代表國家征戰10年,感到無比光榮,不過因頻密賽程令傷員漸多,所以決定急流勇退,專注球會賽事,佢識咁諗,絕對係曼聯之福。
韋費特沙夏未谷起狀態
另邊廂,水晶宮狀態欠佳,各項賽事近5仗只得2和3負未贏過,最大問題係王牌韋費特沙夏啱啱好番未弗,難怪近5仗入得兩粒咁大把,點擋得住氣勢如虹嘅紅魔呢?而且曼聯主場出擊特別醒,近12仗喺奧脫福出戰嘅賽事全勝,其中10仗至少贏兩粒,對客軍嚟講堪稱「地獄球場」,紅魔今仗讓1/1.5球都冇有怕,照揀上盤。
相关新闻
攻略动态
英超焦點戰攻略:仙魔分途搏殺
今晚英超迎來兩場焦點賽事,早場有氣勢如虹嘅「1哥」阿仙奴,作客護級分子愛華頓。「兵工廠」連挫熱刺、曼聯後士氣高昂,對家愛華頓有新帥戴治上任,為省招牌必搶攻,1.5球半場大 ……
[详细]
米禾爾 對 新特蘭
軍情米禾爾剛從雲達不來梅借用前鋒奧利華布基,希望增強鋒力;同時間陣中射手巴特梳亦即時有回勇表現,上仗英冠一箭定江山,近3仗聯賽入3球。新特蘭射手路斯史超活因跟腱受傷,預計 ……
[详细]