今晚英超另一场例行公事，曼城作客「海鸥」白礼顿。曼城已经提早封王，依家心繫月尾嘅欧联决赛，为免主力受伤势必避重就轻，预计都係派阿古路等副选应战，白礼顿已上岸亦唔会搏，斗hea格局，宁捧2.5球嘅入球细。

　　蓝月放眼欧联决赛唔会搏
　　曼城提早3轮夺得英超冠军，连同之前嘅英联盃已手握两冠，终极目标必属月尾欧联决赛击败车路士，荣膺3冠王，因此馀下嘅联赛意义唔大，最紧要唔好整伤班主力，相信主帅哥迪奥拿亦乐于派副选出战。不过要留意，史达宁自2月尾起入得1粒，上仗戴帽嘅费伦托利斯亦时好时坏，加上今仗赢输都无关痛痒，争胜心点都差啲。

　　另一边厢，白礼顿已经护级成功，冇晒抢分压力随时更hea，而且「海鸥」一向守强攻弱，单计联赛，冇球员嘅入球达双位数，阵中首、次席射手马奥比同韦碧克，都係入得8粒同6粒咁大把，仲有个频频失机嘅李安度杜沙特，而且具备组织能力嘅拉尔拉拿经常受伤，难怪全队入得37球，惟有先做好防守。白礼顿今季联赛失42球，係尾9队中失波最少球队，单计近6仗有5次开2球或以下，入球细更可取。