今晚西盃4强次回合生死战，巴塞隆拿返主场再斗西维尔。巴塞首回合输紧两粒，为争冠必想尽快收复失地，一开波即抢攻，而且球王美斯专食西维尔呢道「私房菜」，加上每逢主场对西维尔例抢缰，1.5球嘅半场大值捧。

巴塞于首回合输0比2，连作客入球都攞唔到，意味住想晋级，今仗至少要淨胜2球先有价讲，形势恶劣要焗攻。

美斯专破西维尔大门

不过咁啱两队日前先喺联赛碰头，巴塞同样係作客赢2比0，美斯喺呢场佢职业生涯第900场赛事，更入波兼助攻，查实西维尔係其中一队美斯最锺意嘅对手，连同上仗在内，呢位队长过去40次对住西维尔，唔单止攻入38球，并且交出17个助攻，製造咗55个入波，绝对係美斯嘅「私房菜」。

随住西维尔上仗输畀巴塞，亦终止联赛6连胜强势，打击信心，连同欧联16强首回合反输畀多蒙特，状态明显有下滑迹象，近3仗失5粒，今场随时畀美斯如入无人之境咁数胡。由于巴塞联赛争标机会一般，欧联16强首回合对巴黎圣日耳门输1比4，晋级机会淼茫，为免冇盃落袋，今仗力图绝地反击杀入决赛，预计一开波即揿住嚟攻，何况近6次主场对西维尔，有5次上半场开2球或以上，半场主胜可博之馀，1.5球嘅半场大值捧。