軍情

　　湘南比馬前鋒町野修斗傷癒後逐漸上力，剛戰建功為球隊逼和德島漩渦，今場仍會與威靈頓路爾斯合作攻堅；但正選門將谷晃生入選日本U23應付國際賽，堀田大暉又要養傷，今場要改由3號門將富居大樹把關。

　　大阪飛腳射手李安度彭利拿剛戰開齋兼起孖，已回復水準，今場繼續與塚元大及威靈頓施華合組三叉戟；兩名後防主力昌子源及金英權，分別代表日本及南韓應付世盃外而缺陣，菅沼駿哉將起領導防線的重任。

　　湘南比馬
　　停賽：／
　　上陣成疑：／
　　受傷／缺陣：谷晃生（門將）、堀田大暉（門將）、艾爾尤諾斯（前鋒）  

　　大阪飛腳   
　　停賽：／
　　上陣成疑：／
　　受傷／缺陣：一森純（門將）、昌子源（後衛）、金英權（後衛）、小野裕二（前鋒）、白井陽斗（前鋒）

　　近況
 
　　湘南比馬剛戰賽和德島漩渦，近4場聯賽只得2和2負，近況欠佳，跌至中下游；今場就算在主場出擊，但對著近況有好轉的大阪飛腳，仍然睇低一線。大阪飛腳剛戰輕取FC橫濱，取得聯賽連勝，攻力有起色；球隊質素頗佳，開始回復士氣及信心後，發揮亦會更好，作客對頹勢的湘南比馬，仍可追捧。

　　對賽

　　雙方上次交手，大阪飛腳勝2比1。