欧联16强次回合，祖云达斯回师主场斗波图掀晋级反击战。虽然祖记首回合作客落后1比2，不过有1个作客入球喺手，今场即使小胜1比0都可以晋级，形势唔算太差，藉主场之利肯定全力争胜，祖记近4届欧联16强次回合法定时间全胜，加上C朗上周末抖够今场搏杀，祖记让一球照拣上盘。

　　祖记上次交手不敌波图，成为首回合唯一输波嘅客队，但其实整体表现唔算太差，特别係补时阶段，C朗曾经喺禁区内遭对手侵犯，但球证不但冇任何表示，仲直接吹鸡完场，判决存在极大争议，祖记谷埋成肚火，更加激起球员今场争胜决心。

　　值得留意嘅係，祖记近年喺欧联16强首、次回合表现好大分野，佢哋过去4届欧联16强首回合只赢过1场，但4场次回合都赢波。最经典莫过于2019年首回合作客0比2不敌马体会，但次回合主场凭C朗连轰3球，总比数赢3比2晋级，「斑马兵团」现时仅落后1比2，反胜机会更浓。

　　波图近况欠佳难再偷鸡
　　另一边厢，波图首回合能够赢波，好大程度因为祖记失误所致，嗰场开赛仅2分钟，祖记中场宾坦古亚「自杀式」回传，造就呢支葡超球队迅速打开纪录。不过，呢啲机会可一不可再，祖记吸取教训后，势必打醒十二分精神，令波图难再偷鸡。事实上，波图近期表现欠佳，近3场比赛仅1胜，反观祖记刚于意甲，喺C朗半休息状态下3比1大炒拉素，今场C朗勐虎出柙数胡，上盘乃不二之选。