今晚亚冠盃G组生死战，中超班霸FC广州（广州恒大）硬撼韩职代表水原蓝翼。FC广州若果输波即宣布出局，面对回勇嘅蓝翼难佔甜头，加上近3次碰头全部打和，FC广州让波有暗涌，转捧让球客胜。

　　先讲G组形势，1哥神户胜利船3战获6分已提早晋级，剩馀一个出线席位由FC广州同蓝翼争逐。现时广州领先蓝翼3分但打多1场，假如今场输波，就会被追至同分，就算蓝翼喺尾轮输畀胜利船，亦会凭较佳对赛成绩力压广州出线，所以广州今场唔输得，压力都几大。

　　蓝翼近8场仅1败状态回勇，虽然今届亚冠只得1和1负，但今场赢波就可扭转劣势，战意唔使怀疑。何况两军近3次交手全部打和，包括首轮闷和0比0，蓝翼有得受让必捧让球客胜。