主場出擊 專捉狐狸
今晚英超尾場阿仙奴主場惡斗李斯特城。阿仙奴喺領隊阿迪達帶領下漸入佳境,新兵湯馬士柏迪上周中歐霸擔正演出對辦,隊長奧巴美揚又重拾射門鞋,加上主場專剋「狐狸」,主勝值捧。
阿迪達接手阿仙奴後,將甩漏甚多嘅防線改造得具紀律性。未計今輪,佢哋目前係全英超失球第2少球隊,今季5戰聯賽3勝2負未算突出,但2場敗仗係作客利物浦及曼城,非戰之罪。「兵工廠」上周中歐霸反勝維也納迅速2比1,轉會窗臨閂先來投嘅中場湯馬士柏迪首次正選上陣,無論係傳球成功率、攔截、空中對抗及搶番控球權等數據,均名列前茅,難怪當選該仗最佳球員,巴西中堅加比爾馬加希斯令防線更硬淨,後備入替嘅奧巴美揚亦轟入奠勝士哥,打破4場入球荒,重拾信心。
蘇恩古長抖李城打擊大
李斯特城連續2場英超均喺主場輸波,球員信心受挫,上季表現突出嘅後防核心蘇恩古,早前代表土耳其踢「太公波」時受傷,預計要抖3個月,影響甚大,雖然王牌佔美華迪啱啱傷愈,但即使重披戰袍狀態亦成疑。況且阿仙奴往績煞食,連同舊主場高貝利球場在內,近14次聯賽主場對「狐狸」,獲12勝2和壓倒性佳績,若單計酋長球場交鋒,阿仙奴6戰亦取得5勝1和,優勢明顯,今仗可藉「福地」贏波重上正軌。
相关新闻
攻略动态
FC光州 對 尚州尚武
周日上演一場相對無關痛癢的爭標組賽事,由FC光州主場迎戰尚州尚武。FC光州上仗無慾無求下,加上首席射手菲臘比迪蘇沙領紅「坐波監」,作客以1:4大敗予全北汽車。FC光州由於 ……
[详细]
FC大邱 對 浦項制鐵
FC大邱上仗作客1:2不敵尚州尚武,全場唯一亮點可謂施仙夏費蘭度射入一球美妙罰球,這位巴西射手成為大邱的進攻泉源,製造多腳射門,另一外援丹恩奴域雖有落場,但無甚建樹。FC ……
[详细]