今日續演亞冠盃16強首回合，兩支韓職代表分途出擊，蔚山現代將會作客2017年盟主浦和紅鑽。蔚山現代近4次於亞冠盃斗日職球隊未輸過，不過紅鑽近14場亞冠盃主場亦只輸1場，雙方實力半斤八両，今場首選2.5球入球大。

　　紅鑽近5屆4次出戰亞冠盃，除咗2017年勇奪冠軍，近14場亞冠盃主場比賽亦攞到12勝1和1負，其中只有1場冇入波，水准及鋒力同樣有保證；蔚山現代連續3屆出戰亞冠盃，實力及經驗唔差得過紅鑽，而且蔚山現代近4次喺亞冠盃斗日職球隊未輸過，絕對有一戰之力，睇埋蔚山現代近8場亞冠盃作客一共入咗12球、失20球，7次開3球或以上，今場隨時以攻代守，捧中位數2.5球大最穩陣。