今晚同时间另一场欧霸4强次回合，意甲「雌狼」罗马返主场再战曼联。「红魔鬼」首回合领先6比2，半隻脚踩入决赛，加上球队日前经历动盪，球员自然希望以赢波凼番球迷欢心，佢哋近4场欧霸全胜，有望再下一城，让半一上盘必捧。

　　曼联上场联赛对利物浦嘅「双红会」，因为球迷闯入奥脱福球场取消，变相多咗时间休息，体力比罗马好，喺频密嘅赛程下绝对係一个优势。此外，球迷示威只係针对管理层，球员可以做嘅，就係做好本分踢好波。

　　事实上，从首回合比赛过程及战果，都说明曼联明显技压罗马，首回合同样「起孖」嘅卡云尼同般奴费南迪斯，技术好之馀最重要係斗心极强，今届欧霸曼联「魔性」爆发，全靠两人带动，亦令佢哋近4仗欧霸录得全胜。

　　罗马近5仗1和4负
　　罗马赛前公布，下季将会由「寸王」摩连奴执教，某程度嚟讲係一个唔好消息，虽然教练方辛加一早宣布咗季尾约满后离任，但球员本身会对新主帅有憧憬，可惜「寸王」入主消息一出，米希达利恩及基斯史摩宁等旧部下季肯定冇运行，前者更率先公开「作反」，话喺「寸王」麾下好难踢到好波，试问军心点会好，今晚就算主场出击都信唔过，加上佢哋近5场只得1和4负，状态低迷，曼联作客让半一，照捧上盘。