今晚继续有西甲补赛，「3哥」巴塞隆拿主场迎战CF格兰纳达。随住马德里双雄上周末齐齐失分，打少1场嘅巴塞，依家重新攞番争标主动权，只要赢波即升上榜首，加上「MG」锋线弗到漏油，势必火力全开，不过主胜冇肉食，让球主客和开到「-3」亦太辣，转捧3.5球嘅大盘更明智。

　　先讲讲争标形势，依家西甲前4嘅马体会、皇马、巴塞同西维尔，相差只有3分，其中巴塞仅落后榜首马体会2分，但打少1场。即係话巴塞今仗击败格兰纳达，就会以1分力压马体会，今季首度升做「1哥」，只要再赢埋之后5轮联赛，唔使理其他赛果或对赛成绩，即可重夺联赛冠军，巴塞要抢番争标主动权，今仗非胜不可，预期一开波即抢攻。

　　巴塞能喺最后直路一鼓作气，「MG」锋线美斯与基沙文功不可没。淨係联赛，两人合共已炮製36个士哥，连同西盃在内，巴塞近3仗狂轰11粒，「MG」就佔咗8球，难怪呢3仗2次开出4球或以上，嚟到争标关键时刻冇得缩，必定抢攻争胜。

　　格兰纳达位处中游，争下届欧洲赛资格机会麻麻，战意成疑，连同盃赛在内，近8仗只得2胜6负，场场有失波防线穿晒窿，今仗仲有中场安祖蒙托罗同佩亚达斯坐波监，杜明高斯杜亚迪亦提早收咧，想赢亦有心无力。不过巴塞主W太热，「让球主客和」要让到3球咁辣，况且巴塞近8仗只得2场冇失波，咁梗係玩3.5球嘅大盘啦！