今晚英超頭場由富咸主場斗阿士東維拉，富咸開季2連敗，主場面對同級對手搶分目標明確；維拉上場聯賽贏錫菲聯帶有幸運成分，佢哋近年作客富咸輸多贏少，作客想攞3分亦唔易。兩軍近4次交鋒有3次開半場和，信往績再追。

　　富咸頭2場聯賽先後不敵阿仙奴及列斯聯，不過上場對列斯聯僅負3比4，表現已有改善。佢哋上次喺英超角逐時，全季7場勝仗有6場喺主場取得，如果唔想再做「昇降機」，主場對同級對手必以3分為目標，而且近5次主場對維拉全勝，今場未必冇得打。

　　近4次交手3開半和

　　維拉聯賽首戰小勝錫菲聯，如果唔係對方後防主力艾根開波12分鍾被逐，加上隆特史譚射失12碼，錯失領先機會，維拉未必可全取3分。基於維拉近年作客富咸成績實在太曳，就算近況較好都有一定暗湧，既然雙方近4次交手有3次開出半和，實力半斤八両不妨再追。