今晚欧国联B1组赛事，啱啱失落世盃决赛周资格嘅乌克兰，哀兵上阵作客爱尔兰。乌克兰球员短时间内已经连踢两场激战，身心都肯定需要时间恢复，面对踢法硬朗嘅爱尔兰，战况可能陷入胶着，预计入波唔会多，2.5球入球细值得捧场。

因战火影响休战超过半年嘅乌克兰，今个月喺世盃外欧洲区附加赛先赢苏格兰，决赛形势占优下不敌威尔斯，未能出席决赛周，球员身心俱疲。今仗系佢哋8日内第3战，领队柏度哥夫难免要进行轮换，射手耶梅卓克等主力将会休息，分散战力迎接一连3场嘅欧国联赛事。

爱尔兰踢法够硬净

爱尔兰实力一般，上轮就以0比1输畀弱旅阿美尼亚，虽然球员质素唔高，但史密斯高文及沙恩杜菲等主力都喺英超打滚，踢硬净波绝对唔输蚀，有力同疲惫嘅乌克兰抗衡。睇番乌克兰近6场有4次总入球开2球或以下，今场一於再追2.5球入球细。