今天有场巴甲下游对决，富明尼斯主场迎战巴希亚。富明尼斯伤停满营，5场不胜冇晒信心，今仗一定先做好防守；巴希亚状态同样奇差，加上近年碰头例少交收，海军斗水兵唔慌多波入，捧2.5球嘅细盘合理。

　　费特缺阵影响攻力

　　富明尼斯今仗有艾保靴南迪斯同路尔斯轩历基坐波监，前巴西国脚费特亦因伤倦勤，攻力大受影响。佢哋近5场联赛只得1和4负，入得3粒咁大把，其中4仗开2球或以下，依家要抢分护级，首要系稳住防线。

　　作客嘅巴希亚近况更曳，近7仗联赛只得1和6负，包括输畀甘美奥同利斯菲体育会等护级对手，而呢7仗入得2粒，其中有5仗食白果，攻力相当疲弱。睇番两军近10次交锋，有9次开2球或以下，2.5球入球细乃明智之选。