軍情

　　皇家馬德里主帥施丹，已表明季後將會離隊，軍心難免會有影響。中場大將卻奧斯最近確診，肯定緣盡今輪爭標大戰。今夏約滿的隊長沙治奧拉莫斯，會方遲遲未與其續約；僅餘1年合約的華拉尼，會方為免人才兩失，盛傳今夏亦會被賣走。

　　維拉利爾門將魯利、右閘馬里奧加斯柏、防守中場伊天卡普爾，今輪均可停賽期滿復出。不過，早前在歐霸戰場傷出的翼鋒卓禾斯與右閘祖安科夫，未能趕及上陣。老將卡路士巴卡上輪鬥西維爾，個人大演帽子戲法，腳風大順。

　　皇家馬德里
　　停賽：／
　　上陣成疑：沙治奧拉莫斯（後衛）
　　受傷／缺陣：華拉尼（後衛）、丹尼爾卡華積（後衛）、費蘭特文迪（後衛）、盧卡斯華斯基斯（中場）、卻奧斯（中場）

　　維拉利爾
　　停賽：／
　　上陣成疑：／
　　受傷／缺陣：祖安科夫（後衛）、伊保拉（中場）、卓禾斯（前鋒）

　　近況

　　皇家馬德里由於計今季對賽贏馬德里體育會，西甲煞科日只要馬德里體育會失分，皇家馬德里贏波就可捧盃，今輪必拚無疑。維拉利爾雖有歐霸決賽後顧，但目前處於聯賽第7位，今輪仍要積極搶分，爭取更高排名。兩隊近年交手利入球騷，雙方各不相讓下，今場必取「入球」大。

　　對賽

　　雙方近6次聯賽交手，皇家馬德里2勝4和。