英甲昇班附加賽4強次回合，黑池主場對牛津聯，黑池首回合贏3比0，今場唔需要急於求勝，應該會採取穩守戰術，力保領先優勢。牛津聯作客表現差，想入波都難，加上黑池近5場主場總入球都係2球或以下，首選中位數2.5球嘅入球細。

　　英甲季軍黑池踢法穩陣，佢哋喺今季46場常規賽攻入60球失37球，屬於前8位球隊之中入球最少嘅球隊，同時亦係失球最少嘅球隊。包括附加賽首回合在內，黑池近5場更加保持不失球，防守非常穩健，牛津聯要攻入主隊防線，非常困難。

　　牛津聯作客乏力
　　至於牛津聯雖然今場要焗攻，爭取收復失地，但作客表現未如理想，近6場作客輸咗4場，預料難以喺黑池身上佔到甜頭，相信屆時應該會出現拉鋸局面，入球數字唔會多。