今晚意甲有場獨腳戲，拖連奴主場迎戰費倫天拿。拖連奴上場由新帥尼高拿首場領軍，結果都係和波，近7場聯賽就有5次打和。至於費倫天拿今季9場聯賽作客僅1勝，贏波把握實在唔高，今場係海軍斗水兵屬於五五波，可以考慮揀和波博取高回報。

　　拖連奴新帥功力有限
　　拖連奴早前炒咗教練甘柏路，邀得前熱拿亞主帥尼高拿執教，但呢位47歲少帥教波功力有限，拖連奴上場對住新昇班嘅賓尼雲圖，更一度落後兩球，幸好最終逼和2比2，可見拖連奴即使換帥，但始終未能擺脫「和波專家」本色。

　　睇番拖連奴今季成績，其實係有路可捉，佢哋今季9場聯賽主場未贏過，但要留意近6場聯賽主場有5場開出和波。值得一提係拖連奴早前喺意大利盃對勁旅AC米蘭，法定時間90分鍾亦能悶和0比0，「和波專家」並非浪得虛名。

　　另一邊廂，「紫百合」費倫天拿雖然曾於早前意甲作客爆冷擊敗祖雲達斯，但其馀8場作客表現差劣，僅錄得2和6負，其中5場入唔到波，預料今場難以喺拖連奴身上佔得甜頭。既然雙方都欠缺取勝把握，博較好分頭嘅和波係不俗選擇。