德甲周五獨腳戲，史特加主場迎戰緬恩斯。排榜末倒數第2嘅緬恩斯近期喺多蒙特及RB萊比錫身上成功搶分，表現似有起色，但其實只屬假象，事實上佢哋長期捱打。史特加重返德甲後表現甚佳，首循環作客對緬恩斯，史特加大勝4比1，今仗返主場料可輕取對手，捧上盤穩陣。

　　華曼基杜卡腳風順
　　緬恩斯徘徊聯賽榜下游，與榜末嘅史浩克04可稱得上係「難兄難弟」，雖然緬恩斯近期先以1比1逼和多蒙特，上仗更爆大冷3比2擊敗RB萊比錫，但其實佢哋近仗表現未見有太大改善，比賽中控球比率僅得30%左右，加上首席前鋒桑馬迪達轉投水晶宮，令緬恩斯前景更加暗澹。

　　史特加今季重返德甲，昇班第2仗就以4比1大炒緬恩斯，敲響勝鼓，去年底更以5比1大破多蒙特，翼鋒華曼基杜卡今季攻入10球，儘管近期因為傷兵較多戰績回落，但以佢哋嘅質素同場上發揮，要擊敗緬恩斯只係簡單任務，上盤讓半一值得捧場。