C朗好胜抢士哥

　　今晚意甲早场祖云达斯主场迎战博洛尼亚。祖记刚于上周中捧意超盃，球星C朗破入球纪录状态大勇，博洛防线难抵挡呢位射手来犯。不过「斑马兵团」防守亦唔稳阵，近6场联赛有5场总入球达3球或以上，拣中位数2.5球嘅入球大。

　　祖记上场意超盃以2比0击败上届意大利盃得主拿玻里，C朗射入1球，以累积入760球，超越捷克名宿比简，成为正式赛事史上最多入球嘅球员。事后捷克足总「玻璃心」发作，称比简入咗821球，而非759球。不过，全世界已经认定C朗係新入球王。其实以C朗嘅身体质素，相信仲可以维持巅峰状态多几年，即使要入多过821球，亦只係时间问题，以呢位葡萄牙国脚嘅好胜性格，今场应该会全力数胡，令捷克足总心服口服。

　　博洛遇强有力反击

　　「斑马兵团」攻力强劲，实在唔需要怀疑，但係防线就远不及以往稳固，近5场联赛主场都有失波，包括曾经畀费伦天拿攻入3球。祖记3位后衞马菲斯迪历特、美列迪美罗、阿历士辛度今场缺阵，防线人脚捉襟见肘，恐怕难保清白之身。

　　博洛近9场意甲仅1胜，但当中有5场打和，包括落后2球下逼和阿特兰大2比2，对住另外2支劲旅罗马、国际米兰，即使输波都可以破蛋，绝对唔可以睇小博洛嘅反击力，捧入球大为妙。