周四凌晨德国盃第2圈赛事，德乙前列分子基尔将会主场迎战德甲班霸拜仁慕尼黑。主队基尔目前喺德乙排第3位，仅落后榜首汉堡1分，大有机会争夺来季升上德甲嘅资格，不过今场面对近期后防漏洞百出嘅拜仁慕尼黑，预料亦会放手一拚，最理想当然争取喺上半场「偷鸡」。以拜仁慕尼黑最近大开大合嘅风格，上半场料会出现唔少入波，1.5球半场大值得一试。

拜仁慕尼黑上场联赛领先慕逊加柏两球之下，因为后防连番犯错反输2比3；拜仁虽然仍排喺榜首，但24个失球就同护级区嘅比勒费尔德同云达不来梅一样咁多，反映防线的确存在一定问题。呢支德甲班霸嘅后衞喺上半场经常发梦，已连续9场本土赛事喺上半场失波，好多时都係靠罗拔利云度夫斯基领导嘅强大锋线打救，因此近4场赛事半场总入球都开两球或以上。

基尔开波即攻博偷鸡

基尔今季联赛表现稳定，两位中场阿历山大穆宁同南韩球员李在城都有入球能力，相信可对拜仁防线构成一定威胁，另外前锋赞尼沙拿具有速度，亦唔可以睇小。牌面较弱嘅基尔今仗若果想偷鸡，大有可能喺拜仁开波早段唔集中时打破缺口，力争上半场先开纪录，估计头45分钟会係较开放嘅赛事，半场大可望顺利开出。