英足盃第3圈另一場全英超對決，就係狼隊主場對水晶宮。兩隊今季可算係兄弟兵，無論聯賽排名、主客成績都極之接近，踢法同樣傾向快速反擊，雙方守斗守之下實在難以擦出火花。翻查狼隊角逐英足盃往績，佢哋已經連續6屆喺第3圈賽事開兩球或以下，攤路在前不妨照跟，今仗推介2.5球入球細。
　
　　水晶宮進攻欠板斧
　　兩隊今季聯賽成績幾乎一模一樣，狼隊22分排13，水晶宮22分排14，主客成績亦接近，狼隊入球及失球稍為偏少。事實上狼隊自從王牌前鋒魯爾佔美尼斯受傷後，中前場攻力有所下降，近7仗僅1勝，近仗入波都要旨意中後場球員，包括倚靠中堅路曼沙斯近3仗入兩球，鋒線攻力疲弱。水晶宮靠穩守突擊搵食，前場靠曬韋費特沙夏發動攻勢，更多時候要單打獨斗，只要將佢凍結，水晶宮就惡唔出樣；由於狼隊同樣防守為主，預料沙夏打快攻嘅空間唔多，今仗難以發揮。

　　從任何角度睇今仗都係1場悶戰，而且狼隊角逐英足盃第3圈有超強數據，連續6屆開兩球或以下，當中3次開0比0，今場捧入球細好路。