日职快车有笋盘

日职周中快车，冇乜目标嘅FC东京主场对北海道札幌冈萨多。FC东京联赛季尾突然失准，自10月中开始4连败，相反北海道札幌冈萨多上周爆冷作客击败川崎前锋，今场有力同FC东京周旋，加上双方近5次联赛交手，4次开2球或以下，今场捧2.5球入球细。

FC东京今季一直保持喺前列位置，喺10月初更喺一致睇澹之下，淘汰川崎前锋杀入日联盃决赛。不过，未知係咪因为刻意留力，东京之后6场联赛只得1胜5负，包括最近4场录得4连败。

近年交手旺开细

可惜原本喺上周六斗柏雷素尔嘅决赛，却因为对手有多名球员确诊新冠肺炎而被逼延期，东京团火即刻好似畀人淋熄咗咁。依家FC东京喺联赛落后兼比赛场次较多，要追上前3有难度，而且球队之后仲要远征卡塔尔踢亚冠盃，联赛对佢哋嚟讲，只係练兵之用，作战心态成疑。

北海道札幌冈萨多上轮联赛爆大冷，以2比0击败榜首川崎前锋，打断对方联赛12连胜走势。冈萨多近4场取得3胜，乘勇作客FC东京，未必会捱打。事实上，双方近5次交手各赢1场，其馀3次打和，当中4次开2球或以下，预料今场战情拉锯，入球数字唔会多。