周六早上嘅世界盃外圍賽南美洲賽區,巴西主場斗玻利維亞。「南美霸主」巴西向來喺外圍賽所向披靡,每屆世界盃都可以進身決賽周,今場面對弱隊玻利維亞,旗開得勝機會高唱入雲。參考雙方近4次交鋒,巴西取得3勝1和,而3場勝仗都係大勝3球或以上,讓球主客和巴西讓三球唔怕辣,直取讓球主勝。
巴西喺南美洲賽區表現向來超班,成績更勝死敵阿根廷,除咗2014年世界盃,巴西以主辦國身份直接躋身決賽周之外,「森巴兵團」喺2006、2010及2018年世界盃,都係以外圍賽1哥身份殺入決賽周,上屆更加拋離第2位烏拉圭10分之多,可見佢哋踢外圍賽嘅態度非常認真,唔會因為本身實力強橫而輕視對手。
自從上年勇奪美洲國家盃冠軍後,主帥迪迪逐步為巴西注入新血,今次大軍名單中尼馬、羅拔圖法明奴、卡斯米路及菲臘比古天奴等當打主力悉數入選,配合里昂中場般奴古馬雷斯及哈化柏林射手馬菲奧斯根夏等「新鮮人」,主場出擊務求盡數對手,以漂亮勝仗打響頭炮。
玻利維亞愈踢愈沉
玻利維亞屬於南美洲魚腩球隊,對上1次打入世盃決賽周已經係1994年,佢喺近年同其他南美國家差距愈拉愈遠,外圍賽往往包尾收場,今次點兵以本土聯賽球員為主,反映當代球員質素麻麻。
玻利維亞以往最大本錢係靠高原主場搶分,作客幾乎毫無勝算,近9場世界盃外圍賽全部輸波,其中有6場波都入唔到,上屆外圍賽作客巴西就大敗0比5,預料今場難逃厄運。
相关新闻
攻略动态
成年冇夾過哥倫比亞捱細界
聽朝另一場世界盃外圍賽南美洲區賽事,傳統勁旅哥倫比亞主場迎擊委內瑞拉。論牌面主隊當然勝一籌,但喺疫情影響下,南美洲國家隊近1年未有比賽,久疏戰陣令合作性同隊形難免受影響。 ……
[详细]
巴西「讓主」有「利」可圖
世界盃南美洲區外圍賽明早8時30分上演勁旅巴西主場對陣玻利維亞,雖然主隊有主力尼馬在練習中弄傷背部上陣成疑,但仍有菲臘比古天奴、李察利臣、羅拔圖法明奴等勐將,要在主場大勝 ……
[详细]