今晚欧国外附加赛C组4强战，挪威主场火併塞尔维亚。挪威自两大新彗星艾宁夏兰特（图）及马田奥迪加特上位后，锋力大爆发，塞尔维亚就有箭头阿历山大米祖域单天保至尊，一场过生死战冇得保留，2.5球嘅入球大更可取。

　　夏兰特孭飞火力全开
　　自从2000年欧国盃后，挪威未尝杀入大赛决赛周，当年佢哋有苏斯克查、费奥等英超球星助阵，可惜后来青黄不接，多番与大赛绝缘。直至20年后，终于有一批新星接到班，最抢镜当然係「将门之后」艾宁夏兰特及马田奥迪加特，前者喺多蒙特疯狂入波，奥迪加特经过近几年磨练后，今季终于重返皇马，连同改投RB莱比锡嘅前锋阿历山大索洛夫，刮起一股青春风暴，近4场狂轰12粒，全开3球或以上，其中夏兰特及索洛夫佔咗8球，火力全开。

　　另一边厢，塞尔维亚早前有尼曼查马迪宣布退出国家队，好彩仍有老将高拉洛夫及杜辛泰迪治担大旗，仲有阿历山大米祖域喺前线支撑大局，呢位中锋近9次为塞军披甲，共入12粒，真係食粥定食饭都睇佢。今次欧国附係一场定胜负，塞军冇得好似以前两回合制咁作客先求稳守，等到返主场先攻你，今仗斗攻格局，捧大盘最稳阵。