欧国外附加赛A组4强大战，冰岛主场斗罗马尼亚。冰岛近年表现无复当年勇，不过嚟到一场过嘅淘汰赛，一向主场成绩唔错嘅冰岛唔会举白旗投降；罗马尼亚近年有复甦迹象，总计欧国联同欧国外，佢哋近6场作客3胜1和2负，全开3球或以上，作客有本钱对攻，首选中位数2.5球大。

　　冰岛主场唔会缩
　　2016欧国盃决赛周表现一鸣惊人嘅冰岛，实力曝光后近年成绩大不如前，近2届欧国联6场分组赛全部输晒，加埋失咗19球，防线穿窿易失波，但考虑到今次欧国附改为一场过淘汰制，冰岛喺上年欧洲国家盃外围赛5场主场赢4场，唯一输波对手係应届世盃冠军法国，表现唔算失礼，为争晋级相信今场唔会死守，必藉地利主动抢攻。

　　罗马尼亚喺上届欧国联*赛事6战不败，得以获得今次附加赛参赛资格，佢哋喺新一届欧国联头2场亦先后击败奥地利同打和北爱尔兰，水准保持稳定。随住伊亚尼斯赫杰（右图前）、佐治普斯卡斯等新世代崛起，罗马尼亚整体踢法变得更主攻，近6场作客获3胜1和2负，入13球失11球，总入球全开3球或以上，有力同冰岛合演入球骚，中位数2.5球大相当值博。