利物浦今晚英联盃第3圈作客英甲球队林肯城；「红军」领队高普向来视英联盃为练兵之地，喜用副选出击，佢哋嚟紧联赛要火併阿仙奴，今场唔慌去尽，加上近6季英联盃第3圈成绩只得2胜2和2负，总入球全开3球或以下，就算赢波都好难出现大手交易。

　　衞冕英超嘅利物浦联赛开季2连胜，保持强势，不过高普对待英联盃呢类本土盃赛向来唔多上心，可以预期穆罕默德沙拿、沙迪奥文尼及华基尔云迪积克等常规主力将获休息机会，取而代之会係奥历治、哈维艾利洛、居迪斯锺斯及薛比云丹贝治等二线兵，但呢班副选就算落场亦唔会搏得太尽，以免无辜受伤影响日后联赛调动，随时留有一手。

　　林肯城态勇顶得吓
　　林肯城喺英甲开季亦取得2连胜，而且计埋英联盃、英锦标在内，今季5仗攞到4胜1和，状态甚弗，主场踢士气波可望负隅顽抗，预计今场入波唔会多，胜负随时一球起、两球止。

　　至于利物浦同韦拿杜姆续约一事出现阻滞，英国传媒报道，呢位29岁荷兰中场拒绝咗球队开出嘅续约条件，意味佢出年夏天可以自由身离队，普遍认为佢会转投巴塞，跟随朗奴高文搵食。