今晚意甲祖雲達斯同西甲皇家馬德里展開衞冕之旅，阿King度咗條3大聯賽過關，希望幫到大家手。頭關英超早場修咸頓主場斗熱刺，熱刺上周中先作客完保加利亞踢歐霸外圍賽，肯定攰爆，加上佢哋近年作客聖馬利球場戰績麻麻，近4次都贏唔到，作客讓波擇使，寧揀「聖人」讓球主勝。

　　跟手意甲班霸祖雲達斯主場對森多利亞，祖記新帥派路雖冇執教經驗，但佢哋實力雄厚，3位中場新兵古路施夫斯基、韋斯頓麥堅尼及艾法美路亦夠曬實用，近5次聯賽主場對森多利亞錄全勝，其中4次上半場領先，要半場主勝。

　　皇馬登場等搣蘇

　　壓軸尾關皇馬開咧戰作客皇家蘇斯達，皇蘇上季主力馬田奧迪加特畀皇馬回收，新加盟嘅大衞施華早排中咗新冠肺炎狀態未明；「銀河艦隊」保留一班奪冠功臣，而且近4季西甲首戰又贏曬，客勝穩開。