周日英超尾場，位列次席的曼城作客斗修咸頓。曼城上周中主場迎戰新科冠軍利物浦，雖然已成例行公事，但仍以4:0大炒對手，足見球隊戰意十足。今仗作客「海鮮味」甚濃的修咸頓，有力再取三分，今仗讓足球半/兩球亦可捧上盤。

　　 藍月上周四主場迎戰提早封王的利物浦，僅半場已經三球領先對手，雖然比賽中紅軍明顯戰意一般，但亦可見曼城未有放過任何入球機會。隊內不少球員復賽以來狀態出色，其中中場大腦奇雲迪布尼復賽後4場聯賽有3場取得「士哥」，另外小將菲爾科頓斗紅軍一戰表現亦備受讚賞，有望續任正選，另外馬列斯及大衛施華等上周中被收起的球員，今仗料會復任正選，球隊戰力依然強橫。 

　　對手修咸頓上周中靠丹尼艾格斯梅開二度，作客3:1擊敗屈福特，基本上已可宣佈護級成功，未來比賽的戰意成疑。加上，球隊主場成績為全英超最差，主場敗仗場數多達10場，比榜尾諾域治還多（未計上周六戰果），面對攻擊力甚強的曼城難望偷雞，故今仗上盤絕對值博。