周四早上美聯盃第4圈好戲連場，阿King度咗條心水過關。重心華盛頓聯隊主場迎戰費城聯，費城聯防線甩漏問題嚴重，好彩中前場夠爭氣，近期頻頻同對手斗攻，呢場造訪華盛頓聯隊入波肯定唔少，入球大值得留意。

　　費城聯今季開局表現超乎預期，高踞東岸榜首，不過近期適逢國際賽期，唔少球隊因主力踢太公波受到影響，費城聯都唔例外，兩位守將麥克麥堅斯同馬菲里爾，就隨美國U20踢緊世青盃，為後防留下隱患，上仗面對紐約紅牛就曾經兩度失守，好彩一班前鋒挺身而出，其中巴西老將伊仙奴梅開二度，計埋呢場波，費城聯近4仗3次開3球或以上，嚟緊對住有英格蘭前鋒朗尼壓陣嘅華盛頓聯隊，兩軍有望演入球騷，入球大值博。