欧联16强另一场上演奇兵对决，布鲁日主场斗宾菲加，布鲁日可算系一路奇兵，不过近况急速转沉，反观宾菲加喺葡超走势强劲，踏入2023年未输过，而且佢哋上季欧联打入8强，有晒经验，客胜睇高一线。

　　布鲁日喺欧联分组赛演出令人眼前一亮，头3仗先後击败利华古逊、波图同马体会，打下出线基础，不过之後表现突然走样，分组赛後3仗仅得2和1负，最终被波图反压次名出线，而且佢哋状态转沉情况蔓延到本土赛，自去年11月至今仅得1胜，联赛跌至第4位，以咁嘅状态应付欧联硬仗，主场都难睇好。

　　宾菲加亦系奇兵之一，佢哋今季展露霸气，葡超成绩一枝独秀，喺欧联H组两战争冠分子巴黎圣日耳门均打成平手，最终更力压对方首名出线，嚟到16强抽获好签，佢哋上季欧联杀入8强，今季自然希望更进一步，虽然冬窗期间有安素费南迪斯离队，但球队表现未见走样，葡超继续强势，加上近10仗欧联8胜2和保持不败，今仗有力反客为主。