今晚意甲打头阵有沙兰力坦拿主场对「2哥」AC米兰。AC箭头基奥特虽然已经归队，但阵中伤兵满营，造访主场特醒嘅沙兰力坦拿，随时失分而回，仲要让1/1.5球咁多，捧下盘好过。

　　AC箭头基奥特虽然於世盃踢到决赛，但佢近日已归队复操，今仗有机会披甲。不过「红黑兵团」阵中依然伤兵一大箩，首席门神迈治兰本来已因伤错过世盃，预计联赛重开可以复出，点知近日经队医评估伤势後，决定将复出日期推迟至2月，仲有卡积亚、祖利亚美斯亚斯、列比锡同奥历治都有伤在身唔出得。睇埋佢哋之前同阿仙奴、利物浦同里昂「拍跳」，法定时间全部输晒，真系睇见都唔开胃。

　　中游分子沙兰力坦拿今季15仗联赛只得4胜，不过其中3仗於主场取得，单计近6仗联赛主场，就取得3胜2和仅1败，主场有一定反抗能力。「墨西哥Sam哥」奥祖亚刚啱冬窗加盟，今仗或首度上阵，若有呢位钢门镇守大关，随时令AC老鼠拉龟冇碇埋手，沙兰力坦拿主场仲受让1/1.5球咁笋，一於捧下盘。