韦斯咸今季英超3战全败排包尾，喺周五凌晨就要转战欧协联附加赛次回合，作客丹麦球队域堡。由於联赛战绩不济，「锤仔帮」亦唔敢怠慢，宣布签入艾马臣柏美尼，有呢个利好消息刺激下，估计即使首回合韦斯咸赢3比1，今仗亦会尽力数胡，2.5球嘅入球大值得跟进。

　　韦斯咸英超开季3连败，更劲失5球兼零入球跌落榜末。为加强防守，喺周中欧战前夕，会方宣布由车路士引入艾马臣柏美尼。呢位28岁嘅左後衞自2018年1月加盟车仔後，一直不获重用，但佢就有「冠军命」，拥有巴西血统嘅柏美尼喺2018年决定代表意大利国家队，至今上阵27次，并有份协助意军夺得上年欧国盃冠军，相信可以帮到手。

　　讲番场波，「锤仔帮」喺领队莫耶斯率领下，於上届欧霸盃过关斩将，於16强淘汰「欧霸之王」西维尔、8强踢走法甲劲旅里昂，直至4强先不敌最後冠军法兰克福，今季角逐低一级别嘅欧协联，韦斯咸可算系「大超班」，附加赛晋级应无难度，值得留意系佢哋欧洲赛场以攻代守，近4仗欧洲赛有3场总入球开3球或以上，今仗有好消息冲喜，肯定加倍落力争取士哥。

　　域堡已超额完成

　　另边厢域堡系上季丹超护级组球队，今季暂时排第6，实力一般，欧协联由第二圈外围赛打起，杀入附加赛已是一大进步，现落後两球下返主场抢攻，有利开入球大。