今届U23亚洲盃夺标大热「太极虎」登场！衞冕嘅南韩U23喺C组第一击对马来西亚U23，双方实力差距极大，南韩U23过去4届都杀入4强，喺亚洲区实力大超班，今届仲有多位外流球星压阵，极有机会大捷，让球主胜稳开。（周四晚9时开赛）

　　今届赛事喺乌兹别克举行，南韩U23点兵精锐尽出，包括效力西甲马略卡嘅李康仁、清水心跳前锋吴世宪、草蜢中场郑相彬同宁斯中场洪贤锡，其中李康仁嘅级数冠绝今届赛事。呢队波由外围赛开始已霸气尽现，3场狂入14球仅失1球，而且佢哋对上3届亚洲盃首仗都可以旗开得胜，未受冠军热门压力影响。

　　马来西亚U23喺早前嘅东南亚运动会男足赛事获得第3名，冠、亚军正正系今届同佢哋同组嘅越南U23同泰国U23，可见佢哋系同组实力较弱嗰队，加上佢哋近4场都未能取胜，今仗难逃大败。