今晚西甲快车尾场，巴塞隆拿主场迎战切尔达。巴塞已稳夺下届欧联入场券，难免会松懈，而且近期主场表现一般，遇上客场保守嘅切尔达，随时陷於苦战，宁捧2.5球嘅入球细。

　　巴塞上仗靠安素法迪及佐迪艾巴各建一功，作客以2比1击败第5位嘅贝迪斯，喺剩余3轮下甩开贝军11分，提前锁定前4嘅欧联席位，对於上半季曾跌到落中游嘅「地上最强」来说，下半季接连击败马体会、西维尔、贝迪斯、皇苏同应届盟主皇马等劲旅，攞到下届欧联入场券可谓超额完成。

　　已夺来季欧联入场券

　　查实巴塞近况系略见下滑，尤其系主场，近4次主场只得1胜3负，无可否认，巴塞每逢主场出击，多数会遇上死守球队，经常会出现久攻不下，遭对方反击得手情况，包括喺欧霸8强以2比3输畀法兰克福，连唯一争标希望都冇埋，但连对护级球队卡迪斯都输得，加上早前大勇嘅中场柏迪受伤，创造力大减，难怪近期进攻唔够之前咁锐利。

　　另一边厢，现时位处中游嘅切尔达，仍要靠伊亚高艾斯巴斯单天保至尊，呢位老将今季联赛有17球进帐，不过该队无缘争欧洲赛亦不愁降班，正宗踢风流波，战意难料。切尔达作客分外保守，近6仗客场入得3粒咁大把，全开2球或以下，2.5球嘅入球细更可取。