今日澳职独脚戏，墨尔本城硬撼威灵顿凤凰。双方已稳夺季後赛入场券，墨城今仗要赢波先攞到常规赛冠军，战意比凤凰为高，近年碰亦经常大手交易，3.5球入球大更值博。

　　墨城早前於亚冠分组赛6战不败下仍被踢出局，上周返回联赛爆冷输畀包尾大幡珀斯光辉0比2，25次射门都入唔到波，明显有疲态，今仗系佢哋常规赛煞科战，依家落後已打晒26轮嘅榜首墨尔本胜利2分，但只要赢波便可压倒同市死敌封王，相信会搏埋佢。墨城有射手榜1哥占美麦卡伦及快翼纳博特助阵，於联赛共入53球冠绝群雄，攻力毋须怀疑。

　　威灵顿凤凰防守欠稳

　　另一边厢，凤凰随住上周中险胜西悉尼流浪者2比1，已锁定前6嘅季後赛席位，今仗留力唔奇，要留意凤凰防守欠稳，近8仗共失20粒，只有两仗冇失波，加上有所松懈下，随时中门大开。翻查纪录，双方近3次联赛碰头，合共炮制15球，全开4球或以上，主W指数冇肉食，转捧3.5球嘅大盘更划算。