今晚意甲上演「首都打吡」，由罗马主场硬撼同市死敌拉素。罗马教练摩连奴近期用番自己最擅长嘅保守战术，各项赛事已连续5场开2球或以下，加上大家都唔想喺打吡战输波失威，必定小心翼翼，中位数2.5球嘅入球细更可取。

　　罗马主帅摩连奴季初上任时，曾经以攻代守，但效果愈来愈差，经过半季磨合後，呢位葡萄牙「寸王」一改有前冇後打法，做番老本行，逐渐将「泊大巴」绝技植入球队。

　　摩连奴泊番大巴减失球

　　罗马用保守战术立竿见影，近3场联赛取得2胜1和，更重要系只失1球，包括以1比0击败火力强劲嘅阿特兰大，可见罗马3421阵式逐渐令防守更加稳固，相信摩连奴今场会继续以保守策略应付今场打吡战。

　　另一边厢，虽然拉素主帅沙利一向崇尚进攻，但球队状态一般，各项赛事近6场只得2胜2和2负，包括喺欧霸盃被波图踢出局，而且过於倚赖射手恩莫比尼数胡，反令对手更易防范。

　　现时两军喺联赛榜只有1分距离，除咗要争取下届欧洲赛资格外，打吡亦系一场面子之战，双方都唔想输，难免会稳阵行先，预计今仗会系战情紧凑兼少交收嘅赛事，入球细乃不二之选。