今晚德乙賽事，雷根斯堡主場迎戰特雷斯登，排第4位嘅雷根斯堡僅落後第2位嘅達斯泰特1分，為爭奪直接昇班資格，必定全力主攻爭勝搶分。特雷斯登亦要搶分護級，唔可以退縮，預料雙方會大駁火，一於博中位數2.5球嘅入球大。

　　雖然雷根斯堡聯賽兩連敗，但球隊攻力強橫，今季踢14場聯賽，合共轟入30球，其中7場主場，每場最少攻入對手兩球，今仗返回自己地頭比賽，勢必采取主動，力爭重敲勝鼓。

　　特雷斯登護級冇得縮

　　不過，雷根斯堡防線不穩，近兩場合共失咗7球，近6場聯賽主場都有失波，踢法開放下，近4場聯賽總入球都達3球或以上，預料今場入波唔會少。

　　至於特雷斯登上場擊敗杜塞爾多夫，取得近7場比賽首場勝仗，有助提昇球員士氣及信心。由於特雷斯登現時只係領先排尾3嘅基爾兩分，受到降班威脅，亦有急切搶分需要，預料作客都唔會退縮。雙方都有強烈搶分意欲，有利制造更多入球。