今晚欧霸盃C组大战，英超「狐狸」李斯特城主场斗波兰代表历基亚，为抢出线资格不容有失。不过「狐狸」今季防守表现差劲，尤其比赛早段经常唔集中，往往先失而陷入苦战，主场焗攻下输反击机会更大，一於速战速决，博历基亚第一队入球！

　　呢组形势相当紧凑，李斯特城目前4战得5分，详细看华体网出线形势唔系太乐观，由於最後一轮仲要作客同组最强对手拿玻里，想出线今仗3分可谓志在必得。可惜佢哋近况低迷，近4仗都赢唔到之余，而且全部都系先失波嗰队，对上3场欧霸就同样系率先失陷嘅一方，可见喺韦斯利科芬拿养伤，一对中坚苏恩古同庄尼伊云斯又缺态下，「狐狸」後防完全靠唔住。

　　历基亚踢欧霸抢缰

　　波兰球队历基亚暂时有6分喺手，今仗作客和波亦系可以接受嘅赛果，相信会大安旨意踢最擅长嘅稳守突击。佢哋喺欧霸踢法抢缰，今届4场分组赛有3场能够先拔头筹，就算上轮1比4惨败予拿玻里，历基亚亦系先开纪录一队，今场面对防线错漏百出嘅李斯特城，有力照办煮碗。