今晚瑞典超焦点战，「2哥」佐加顿斯作客咸史达斯。今季重返瑞典超嘅咸史达斯虽表现唔太差，但遇强队例脚软，而且近年碰头畀佐加顿斯食住，客胜值得捧场。

　　咸史达斯以上季瑞典甲冠军身份，今季升上瑞典超，儘管近4仗联赛保持不败，但要留意除咗爆冷赢过艾夫斯堡外，无论联赛定盃赛，咸史达斯面对马模、诺高平等前列分子都败阵，同埋打咗9场联赛，赢得两场咁大把，不宜高估。

　　佐加顿斯开季表现理想，头9场联赛取得6胜2和1负，依家排紧第2位，佢哋入球分布得好平均，至今已有9名球员有士哥，中场马奴斯艾历臣亦交出5个助攻，最重要係佢哋只失6粒，係瑞典超失波最少球队，可谓攻守兼备。翻查纪录，两军近4次交手，佐加顿斯全部赢晒，摆明格食格，就算客场出击亦冇有怕，客胜有计。