马德里体育会捧盃只差一步！今晚西甲焦点战，榜首马体会只要作客赢到华拉度列，即可自2014年后再次称霸西甲。不过马体会今季作客成绩唔算突出，今场生死战压力极之巨大下，预料会继续採取稳阵风格，以免先失波而陷入绝境，上半场和波机会唔细，半场和抵玩。

　　马体会目前两分领先次席皇马，今仗全取3分即时捧盃，不过呢个任务唔係想像中咁易，事关佢哋近6场联赛作客只係赢过1场，万一先失守，随时会陷入万劫不复之地。「铁血教头」施蒙尼向来以防守为本，近9场联赛作客有6场半场打和，而且中坚史提芬沙域停赛，更唔敢轻率抢攻，上半场多数会静观其变。

　　华拉度列目前位列尾二，今场同样係非胜不可，但面对处于争标生死关头嘅马体会，胡乱抢攻无疑係自寻死路，唯一胜望就係靠稳守突击。既然两队都「唔衰得」，预计上半场都会做好防守，加上两队近4次交锋全开半场和，值得再追。