同组另一场世盃外赛事，瑞典主场硬撼格鲁吉亚。瑞典迎来「上帝回归」，伊巴谦莫域重返国家队首击唔衰得，而且有多名老将助阵，经验丰富，必搵5场不胜嘅格鲁吉亚祭旗，直取让球主胜。

　　喺千呼万唤之下，伊巴谦莫域事隔5年终于重返瑞典队，虽然佢已经39岁，但今季于AC频频入波，完全孭起晒成队波进攻，呢点係暂时冇一个瑞典前锋可做到，主帅赞尼安达臣无奈地要重召「战神」归队，有呢位以62粒稳坐「瑞典士哥王」嘅箭头压阵，攻力有保证，后辈阿历山大伊沙克都愿意让出11号波衫畀佢，可见大家都好尊重「战神」，回归首击一定尽*哥利。除此之外，瑞典亦有「3张几」嘅马古斯贝治、施巴斯坦拿臣及队长格兰基斯在阵，赞尼安达臣期待佢哋可以老带新，帮助年轻球员成长。
　　
　　格鲁吉亚冇选查维达迪斯
　　另一边厢，格鲁吉亚早前于欧国盃附加赛输畀北马其顿，错失首度进身大赛决赛周嘅机会，都几打击士气。最奇怪係今次大军名单中，竟然冇选超新星查维达迪斯，呢位真特翼锋9次为格军披甲入5粒，冇咗佢犹如自废武功，睇番佢哋近5仗只得3和2负未赢过，撞正强势复出嘅伊巴，随时大败而回。