今晚世盃外欧洲区J组焦点战，德国主场火併冰岛。「日耳曼兵团」中后场伤兵满营，指挥官却奥斯已经退队，主帅勒夫势必以攻代守，撞正防线穿窿嘅冰岛，今场实多波入，中位数3.5球嘅大盘有买趁早。

　　德国主帅勒夫早前已宣布今夏欧国盃后卸任，今次世盃外被视为佢嘅最后练兵机会，不过勒夫向来最倚重嘅中场指挥官却奥斯，原来係带伤归队，经军医检查后决定畀佢提早离营，返回西班牙休养。祸不单行嘅，係中坚历卡斯苏尼及左翼衞鲁宾高辛斯同告受伤，虽然毋须退队，但今仗肯定倦勤，对德军防线影响甚大。

　　人脚鼎盛以攻代守
　　不过「鼻*佬」勒夫向来进攻大过天，阵中除咗有夏维斯、基拿比、利莱辛尼、迪姆华拿等可用，根度简今季于曼城脚风顺到冇朋友，仲首度召入两名潜力无限嘅新星科利安华迪斯及穆斯亚拿，中前场大把筹码，今场随时以攻代守。

　　之前连续杀入2016欧国盃及2018世盃决赛周嘅冰岛，已不复当年勇，儘管仍有贝治古蒙臣、史基贺臣等助阵，但近5仗输晒之馀，全开总入球3球或以上，可见呢班波犹如不设防，进攻核心基菲尔施古臣今次亦冇入选，肯定更加难打。德国于上仗欧国联惨吞西班牙6蛋坚失威，今仗要踢争气波，既然德国近6仗4次开4球或以上，捧大啱数。