宾菲加争晋级焗攻
　　今晚欧霸盃32强次回合大战，挂名主场嘅阿仙奴会喺希腊雅典迎战宾菲加，两队首回合踢成1比1。阿仙奴今季英超节节败退，欧霸盃成为佢哋争取来季欧洲赛资格最大希望，为求晋级必定搏甩髀；葡超代表宾菲加一定要有波入先有望出线，踢法肯定更加进取，2.5球嘅入球大必捧！

　　阿仙奴近4场英超3败后，同欧洲赛资格愈嚟愈远，欧霸盃成为佢哋最大希望。呢支前届亚军今届表现突出，6场分组赛全胜攻入20球，而且自伊美路维冒起后，配合近况甚弗嘅小将布卡约沙卡，创造力同入球能力都大为提升。

　　查实首回合阿仙奴全场控制战局，若非奥巴美扬多番失机，相信入波会更多，证明有足够能力撕破对手防线，今场只要保持首回合嘅进攻水准，唔愁冇波入。不过中坚洛贺丁上仗头部撞伤，被诊断为脑震盪将缺阵今仗，令「兵工厂」防线出现隐忧。

　　葡超雄鹰欧战有前冇后
　　首回合1比1嘅赛果对宾菲加甚为不利，由于阿仙奴拎到「作客入球」，今场若踢成0比0，「兵工厂」都可凭作客入球优惠晋级，意味宾菲加一定要搵到入球先有价讲。事实上，呢支「葡超雄鹰」喺欧洲赛作客经常以攻代守，对上8场欧洲赛作客总入球全开3球或以上，包括今届分组赛3场客战轰入8粒，但亦同时每场被攻入2球，「有前冇后」踢法相当明显，今场出现入球*机会高唱入云。