周一澳职独脚戏，衞冕嘅FC悉尼会喺主场迎战威灵顿凤凰，主队经过开季嘅不稳表现后，上场作客大胜FC麦克阿瑟3球重现霸气，多位新星获提拔后都有精彩演出，FC悉尼小让平半，上盘可捧。

　　FC悉尼嘅阵容喺澳职属顶班，不过随住阵容变动开季表现波动，上仗作客FC麦克阿瑟起用多位新人后，演出重现霸气。在塞尔维亚中场大脑连高域嘅超班演出下，球队作客大胜3比0，18岁前锋柏德列活特梅开二度，20岁嘅祖尔京治、19岁嘅尼奥云贺夫、19岁嘅哥林泰保特及21岁嘅施维比均有出色表现，令FC悉尼重拾活力及霸气。以这支衞冕球队嘅强大实力，只要打出信心，在主场出击可说是十拿九稳。

　　凤凰射手希密特仲未开斋

　　作客嘅威灵顿凤凰上场绝杀中岸水手，惊险打开今季胜利之门，不过球队整体演出仍未见太大起色，与上季常规赛排第3嘅威势相距甚远，备受期待嘅以色列前锋希密特仍未入过波，中场主将比斯高普亦因伤未能上阵，大大削弱球队战斗力。加上两队过去6次在联赛交锋，FC悉尼取得5胜1和压倒性优势，今场大有机会再赢一仗。